أكد رئيس التيار الوطني النائب جبران باسيل خلال الجمعية العمومية لقطاع الشباب في التيار في الربوة بحضور رئيس الجمهورية السابق العماد ميشال عون أن “الحلم ببناء الدولة ما بيتحقّق بسرعة والاّ بيكون وهم وساعتها الوهم سمّ، واذا كان حدا توّهم انو بالرئاسة رح نحقّق كل اهدافنا وبيكون الوهم آخره غصّة وهيدي الغصة يلّي صابت اللبنانيين، لأن افتكروا انو مع الرئيس عون كلّه بيظبط! ويمكن الحق شوي علينا لأن البعض افتكر هيك”
واضاف باسيل، مشروعنا هو مشروع وطني، ومشروع بناء الدولة، وبدهم يعملوا اصلاح بس بدهم يجتمعوا ويجيبولنا رئيس جمهورية فاسد ورئيس حكومة فاسد وبيزعلوا اذا قلنا لا! لا ومئة لا!”.
وقال : “يمكن وهم نفكّر انو كل الفاسدين رح يصيروا فرد مرّة بالحبس خاصةً لمّا جمهور الفساد بيكون اكبر من جمهور الاصلاح ويمكن الوهم نصدق انو الفاسدين بيصيروا قديسين”.
وتابع باسيل: “قصتنا يا صبايا ويا شباب التيار قصّة نضال ما بيوقف وقصّة حلم ما بيخلص.. القصّة هي قصّة وطن وحلم انّو يكون حرّ محرّر وفيه دولة قويّة واوّل انسان خبّرنا القصّة هو الجنرال عون بالـ 88 ومعه حلمنا فيها ومشينا الطريق واليوم عم نخبّركم ياها نحنا واياه وبكرا انتو بتخبّروها ليلّي بعدنا وبعدكم والحلم ما يخلص ولا بيشيخ.
وختم قائلا: “ما حدا يهدّدنا بالفوضى او بعقوبات، قديمة هيدي او بالفراغ وبالحكومة وبمجلس النواب. رئيس الجمهورية امّا منختاره بقناعتنا، وما حدا بيفرضه علينا”.
______________________________
🌍 للاطلاع على أحدث الأخبار المحلية والعالمية من وكالة نيوز ليبانون بإمكانكم متابعتنا على الروابط التالية:
قم بكتابة اول تعليق